Դաստակի ջլերի և նյարդերի վնասում. drtehmine.com

Դաստակի ջլերի վնասման բերող վնասվածքները քիչ չեն: Վերջիններս տեղի են ունենում բաց վնասվածքների հետևանքով: Փակ վերքերը համեմատաբար քիչ են հանդիպում: Ամեն դեպքում, բուժօգնության հիմնական նպատակը դաստակի գործառույթի վերականգնումն է:

Ախտորոշումը

Ջլերի վնասման ախտորոշումը դժվարություն չի ներկայացնում. այս վիճակի հետ կապված շարժողական ֆունկցիայի խանգարումը հեշտ է հայտնաբերվում: Փորձառու վիրաբույժն ախտորոշում է՝ կողմնորոշվելով իրավիճակով և վերքի տեղակայումով:

Դրա համար կարիք չկա հատուկ շարժումներ անել կամ գտնել վնասված ջլերի ծայրերն` առանց համապատասխան նախապատրաստման: Մատները ծալելու ակտիվ փորձերը կարող են բերել արյունահոսության և ջլերի պատռման՝ բարդանալով դրանց ծայրերի հեռացմամբ: 

Վերջնական ախտորոշումը դրվում է միայն վիրահատության ժամանակ:

Ի՞նչն է նպաստում վերականգնմանը

Տուժողը դիմում է մասնագիտական կլինիկա, որտեղ աշխատում են փորձառու բժիշկներ, ովքեր.

• լուծում են դաստակի հետ կապված բարդ խնդիրները,
• հաջողությամբ իրականացնում են ռեկոնստրուկտիվ վիրահատություններ,
• հիվանդին վարում են մինչև լրիվ ապաքինում:

Վիրահատական բուժման առանձնահատկությունները

Վիրահատությունը պետք է իրականացվի հնարավորին շուտ՝ ցանկալի է առաջին վեց ժամվա ընթացքում:  Առաջնակի կարերի համար կա ընդամենը մեկ օր` վնասումից հետո:

Դաստակի ֆունկցիայի վերականգնման վիրահատությունը բարդ և երկարատև գործողություն է, որը հաճախ պահանջում է միկրովիրաբուժական տեխնոլոգիաների կիրառում:

Այն իրականացվում է լարանով՝ ապահովելով հյուսվածքների նվազագույն վնասումը: Միջամտության ժամանակ կիրառվում է տեղային անզգայացում, որպեսզի հիվանդը կարողանա մասնակցել գործընթացին:  

Վիրահատությունից հետո ձեռքն անշարժացվում է գիպսի օգնությամբ:

Վերականգնողական շրջան

Բուժման արդյունքներն ընդամենը 50%-ով են պայմանավորված բժիշկների պրոֆեսիոնալիզմով և սարքերի հնարավորություններով: Երկրորդ 50%-ն ապահովում է հիվանդի ցանկությունը և կամքը, որով նա պարտավոր է հետևել բոլոր խորհուրդներին: Միայն համատեղ ջանքերի շնորհիվ է հնարավոր լիարժեք ապաքինում: 

Վերականգնման շրջանը ներառում  է.

• մատի ընդգրկում դաստակի գործողությունների մեջ,
• դեղորայքային բուժում,
• ֆիզիոթերապիա,
• մերսում և բուժական գիմնաստիկա,
• ողջամիտ ծանրաբեռնվածություններ՝ որպես աշխատանքային թերապիա:

Այս բոլոր միջոցառումներն ուղղված են` նվազեցնելու վիրահատված ջլերի և հարևան հյուսվածքների միջև սերտաճման ռիսկը:

Ներկայում կիրառվում են. 

• հարված-ալիքային թերապիա,
• համակարգային էնզիմոթերապիա,
• լուսաբուժություն:

Հնարավոր բարդությունները

Կարերի անբավարարության ժամանակ խորհուրդ է տրվում կրկնակի վիրահատություն: Թարախային գործընթացի զարգացման դեպքում պահանջվում է կրկնակի հատում, մշակում և դրենավորում: Հաճախ այս դեպքերում նշանակվում է հակաբակտերիալ բուժում: Ախտաբանական սերտաճումների դեպքում իրականացվում են ֆիզիոթերապևտիկ միջոցառումներ:

Հարցեր, պատասխաններ, մեկնաբանություններ